May 12 2019

Мўъжиза

Кўзлар саралайди ҳарфлар нақшини,

Тинглай ол таралган сўзлар баҳсини.

Ўз-ўзинг тера ол маъно нақдини,

Соз эрур очолсанг дилнинг баҳрини.

Қаламдан қолган у излар мўъжиза,

Китобат бетида юзлар мўъжиза.

Изтироб яшайди сўзлардан тониб,

Қувонч яйрайди ҳарфлар бўйида.

Сеҳр меҳри жўшади кўзлардан қониб,

Парилар уйғоқдир илҳом ўйида.

Қаламдан қолган у излар мўъжиза,

Китобат бетида сўзлар мўъжиза.

Ўқийсан, белгилар улашиб кетгай,

Уқасан, гапларнинг мағзини чақиб.

Китобат сайрига сабронинг етгай,

Қара, пешонангга диққатни тақиб.

Қаламдан қолган у излар мўъжиза,

Китобат бетида кўзлар мўъжиза.

Ҳаётнинг нусхаси тин олар унсиз,

Умрлар чизгилари жимирлар унда.

Битикларни ўқиб бўлинг мамнун сиз,

Компьютер ёзғичдир ҳозирги кунда.

Монитор сатҳида нурлар мўъжиза,

Китобат бетида дурлар мўъжиза.

Муслима Ёдгорова



Posted 12.05.2019 by Муслима Ёдгорова in category "Шеър

Fikr bildirish

Email manzilingiz chop etilmaydi. Majburiy bandlar * bilan belgilangan

This site uses Akismet to reduce spam. Learn how your comment data is processed.